BACOOR CITY, Cavite — Dalawampu’t isang benepisyaryo ng Pantawid Pamilyang Pilipino Program (4Ps) mula sa District 1 ng Bacoor ang lumahok sa Dishwashing Liquid, Fabric Conditioner (Fabcon), at Entrepreneurial Mindsetting Training na isinagawa sa Niog Multipurpose Hall noong Agosto 4, 2026.
Ang programa ay naging posible sa pamamagitan ng pagtutulungan ng 4Ps Bacoor at City Livelihood and Development Department upang mabigyan ng dagdag na kaalaman at kasanayan ang mga kalahok para sa posibleng pagkakakitaan.
Sa pangunguna ng mga trainers, natutunan ng mga benepisyaryo ang wastong paggawa ng dishwashing liquid at fabric conditioner, gayundin ang mahahalagang konsepto sa pagnenegosyo at tamang paghubog ng entrepreneurial mindset.
Ayon sa mga organizers, layunin ng pagsasanay na mabigyan ng oportunidad ang mga kalahok na makapagsimula ng maliit na negosyo at magkaroon ng karagdagang pinagkukunan ng kita para sa kanilang pamilya.
Itinuturing ang naturang aktibidad bilang isang mahalagang hakbang sa pagpapalakas ng kabuhayan at pagtataguyod ng mas matatag at mas maunlad na kinabukasan para sa mga benepisyaryo ng 4Ps sa lungsod ng Bacoor. #RPB
Source:
Discover more from Rexpress Balita
Subscribe to get the latest posts sent to your email.
Leave a Reply