NOVELETA, CAVITE — Tatlong pusa ang namatay habang tatlo pa ang nailigtas matapos umanong iwanang nakakulong nang ilang linggo sa isang inuupahang apartment sa Barangay Salcedo 2, Noveleta, nang walang sapat na pagkain, tubig at pangangalaga.
Ayon sa Bataan Animal Welfare Society (BAWS), umalis umano ang mga may-ari ng mga pusa noong Hulyo at nagsabing isang linggo lamang silang mawawala at babalik pagsapit ng Hulyo 15. Naiwan umano sa apartment ang isang pusa na may pagkain at tubig.
Gayunman, hindi na bumalik ang mga nangungupahan. Noong Agosto 12, pinasok ng landlord ang apartment habang kinukunan ng video at doon natagpuan ang tatlong patay na pusa at tatlong buhay ngunit lubhang nanghina dahil sa gutom at dehydration.
Agad na iniligtas ng BAWS ang tatlong nakaligtas na pusa na pinangalanang Ember, Chance at Clover. Nasa stable condition sina Chance at Clover, habang naka-confine si Ember matapos mawalan ng kakayahang igalaw ang ibabang bahagi ng katawan dahil sa matinding dehydration at malnutrisyon.
Ayon sa Noveleta Public Information Office, hindi pa naiuulat sa Municipal Agriculture Office ang insidente bago ito kumalat online. Sinabi ng lokal na pamahalaan na kung nai-report agad, maaaring nai-refer ang mga pusa sa isang accredited animal shelter. #RPB
Source: MANILA BULLETIN
Discover more from Rexpress Balita
Subscribe to get the latest posts sent to your email.
Leave a Reply