NAIC, Cavite — Arestado sa San Marcelino, Zambales ang isang 51-anyos na lalaki na matagal nang wanted kaugnay ng kaso ng panggagahasa sa isang 3-anyos na batang babae sa Naic noong 2008, ayon sa pulisya.
Ayon kay Naic Police Chief Lt. Col. Louie Gonzaga, ang suspek ay isang glass installer at kabilang sa Top 7 Most Wanted Persons sa Cavite. Ayon sa imbestigasyon, umano’y inabuso niya ang anak ng kanyang live-in partner sa kanilang bahay sa Barangay Palangue 3.
Sinabi naman ni Brig. Gen. Dominic Baccay, direktor ng PNP CALABARZON, na ito na ang ikawalong sex offender na naaresto sa ilalim ng Oplan Bantay-Dangal.
Samantala, isang hiwalay na kaso, sinentensiyahan ng anim na taon at walong buwang pagkakakulong si Joshua Miguel Gamos dahil sa qualified theft at inatasang ibalik ang ₱300,000 sa Legasynch Group of Companies.
Discover more from Rexpress Balita
Subscribe to get the latest posts sent to your email.
Leave a Reply