BREAKING: NASUGATAN ang isang guro ng isang pribadong eskuwelahan matapos umanong madamay sa pamamaril na naganap malapit sa isang drugstore sa Imus City, Linggo ng gabi.
Ayon sa isang concerned citizen, tumama ang ligaw na bala sa biktima na agad na bumagsak sa kalsada. Dahil sa takot ng mga tao, hindi ito agad natulungan hanggang sa may isang lalaki na nagmagandang-loob na magsakay at maghatid sa kanya sa pagamutan.
Kinumpirma naman ng pamangkin ng guro na kasalukuyang nagpapagaling na sa South Imus Hospital ang kaniyang Tiyuhin.
Sa ngayon, wala pang opisyal na pahayag ang mga awtoridad tungkol sa motibo ng pamamaril at sa pagkakakilanlan ng suspek. Patuloy ang imbestigasyon sa insidente. #RBM
Courtesy: CAVITE PRESS CORPS
Discover more from Rexpress Balita
Subscribe to get the latest posts sent to your email.
Leave a Reply