MGA SIMPLENG PARAAN UPANG MAKAIWAS SA AKSIDENTE SA MGA KALSADA NGAYONG TAG-ULAN

Ngayong panahon ng tag-ulan, patuloy ang biglaang pagbuhos ng malalakas na ulan sa iba’t ibang bahagi ng bansa. Kasama ng ulan ang panganib sa lansangan—madulas na kalsada, limitadong visibility, at baha na madalas nagiging sanhi ng mga aksidente kung saan sangkot ang mga motorsiklo, jeepney, bus, at maging ang mga pribadong sasakyan.

Upang maiwasan ang aberya at mapanatili ang kaligtasan ng bawat isa sa kalsada, narito ang ilang mahalagang paalala at hakbang na dapat isaalang-alang ng mga motorista at pedestrian:

1. Siguraduhing Maayos ang Sasakyan Bago Bumiyahe

Regular na i-check ang preno, ilaw, windshield wiper, gulong, at baterya.

Tiyaking may sapat na grip ang mga gulong upang hindi madulas sa basang kalsada.
Iwasan ang pagbiyahe kung may sira ang bahagi ng sasakyan, lalo na sa ulan.

2. Maging Maingat sa Pagmamaneho

Bawasan ang bilis lalo na sa madulas o bahaing kalsada.
Panatilihin ang ligtas na distansya sa pagitan ng sasakyan sa unahan.
Gamitin ang headlight kahit sa umaga kung malabo ang visibility.

3. Iwasan ang Pagdaan sa Baha

Kung hindi kabisado ang lalim ng baha, huwag ipilit ang pagdaan.
Ang tubig na abot-kalahati ng gulong ay maaaring makasira ng makina o magdulot ng pagkastuck ng sasakyan.

4. Gamitin ang Helmet at Safety Gear (Para sa mga Naka-Motorsiklo)

Siguraduhing naka-helmet at may reflective vest.
Iwasan ang biglaang pagliko o pagpreno sa madulas na daan.

5. Maging Alerto at Sundin ang Traffic Rules

Iwasan ang paggamit ng cellphone habang nagmamaneho.
Sundin ang mga traffic signal at road signs.
Mag-ingat sa mga pedestrian at sa mga sasakyang biglang hihinto.

6. Magplano ng Biyahe

I-check ang lagay ng panahon bago bumiyahe.
Maglaan ng mas mahabang oras para sa paglalakbay upang hindi magmadali.

7. Huwag Magmaneho Kung Inaantok o Lasing

Ang tag-ulan ay mas delikado kung kulang sa konsentrasyon ang nagmamaneho.

Ang disiplina at pag-iingat sa kalsada ay hindi lamang para sa sarili, kundi para rin sa kapwa. Huwag na nating hintayin pang may mangyaring masama bago tayo mag-ingat. Sa panahon ng tag-ulan, higit na kailangan ang pagiging responsable ng bawat isa sa lansangan.

Maging alerto. Maging ligtas. Iwasan ang aksidente. #RBM

COVER PHOTO CREDIT TO: DRIVING-TEST.ORG