Palalawakin ng SM Prime Holdings Inc. ang tatlong regional malls nito sa Iloilo, Sto. Tomas, Batangas at Naga sa ikaapat na quarter, na magdadagdag ng kabuuang humigit-kumulang 70,000 square meters na retail space.
Ayon sa kumpanya, nasa 95% na ang occupancy ng mga mall kaya napapanahon na ang pagpapalawak upang madagdagan ang retail, dining, entertainment at commercial spaces.
Pinakamalaki ang expansion ng SM City Iloilo North Block na magdadagdag ng 35,000 square meters. Samantala, mahigit 26,000 square meters ang idaragdag sa SM City Sto. Tomas, habang 9,000 square meters naman ang expansion ng SM City Naga.
Ayon kay SMPH president Jeffrey Lim, layunin ng mga proyekto na suportahan ang paglago ng mga lungsod, makalikha ng trabaho at magbigay ng mas maraming oportunidad sa maliliit at katamtamang negosyo.
Itatampok din sa mga expansion ang energy- at water-efficient systems, solar panels, electric vehicle charging stations at mas pinahusay na waste management facilities. #
Discover more from Rexpress Balita
Subscribe to get the latest posts sent to your email.
Leave a Reply