CAVITE — Ipinaalala ng Department of Trade and Industry (DTI) na naka-freeze o kontrolado ang presyo ng mga pangunahing bilihin sa buong Cavite matapos ideklara ang lalawigan bilang State of Calamity dahil sa epekto ng habagat at mga bagyong Luis at Maymay.
Kabilang sa price freeze ang sardinas, gatas, kape, tinapay, instant noodles, inuming tubig, iodized salt, detergent, laundry soap at kandila.
Ayon sa DTI Cavite, mananatili ang kasalukuyang presyo ng basic necessities sa mga supermarket at grocery store sa loob ng 60 araw mula sa deklarasyon ng State of Calamity, alinsunod sa Republic Act 7581 o Price Act.
Hinimok ng DTI ang mga mamimili at retailer na sundin ang price freeze at iwasan ang anumang hindi awtorisadong pagtataas ng presyo.
Idineklara ang State of Calamity sa buong Cavite noong Agosto 11 dahil sa epekto ng habagat at mga nagdaang bagyo.
Discover more from Rexpress Balita
Subscribe to get the latest posts sent to your email.
Leave a Reply