DAVAO CITY — Kinumpirma ng National Bureau of Investigation (NBI) na nasa Pilipinas pa rin umano si Senador Ronald “Bato” dela Rosa at patuloy na minomonitor ng mga operatiba ang kanyang kinaroroonan upang maisagawa ang pag-aresto sa sandaling matiyak ang eksaktong lokasyon nito.
Ayon kay NBI Director Melvin Matibag, may nakatalagang team na nagsasagawa ng surveillance at pagsubaybay sa ilang lugar na pinaniniwalaang posibleng pinagtataguan ng senador.
Sinabi ni Matibag na nakahanda na ang kanilang operasyon at maaari itong isagawa sa oras na makumpirma ang lokasyon ni dela Rosa.
Nagtatago si dela Rosa mula pa noong insidente ng pamamaril sa Senado noong Mayo. Nakaharap din siya sa warrant of arrest na inilabas ng International Criminal Court (ICC) kaugnay ng kanyang umano’y papel sa kampanya kontra ilegal na droga ng nakaraang administrasyon.
Samantala, iginiit naman ng kampo ng senador na haharap lamang siya sa mga kasong isinampa sa mga korte sa Pilipinas. #RPB
Source: The Manila Times
Discover more from Rexpress Balita
Subscribe to get the latest posts sent to your email.
Leave a Reply