SAN PABLO CITY, LAGUNA — Agad umaksyon si Acting City Mayor Carmela Acebedo matapos matuklasang hindi pa naipamamahagi ang libo-libong relief packs na nakalaan sana para sa mga benepisyaryo ng lungsod.
Batay sa Audit Observation Memorandum (AOM) No. 2026-009 ng Commission on Audit (COA), umaabot sa ₱22,326,950.48 ang kabuuang halaga ng relief goods para sa mga naapektuhan ng Bagyong Tino na nananatiling hindi naipamahagi.
Pag-upo bilang acting mayor, agad iniutos ni Acebedo ang assessment at verification sa mga nasabing relief supplies, gayundin ang agarang hakbang upang maipamahagi ang mga ito sa mga kwalipikadong benepisyaryo alinsunod sa mga umiiral na patakaran ng pamahalaan.
Binigyang-diin ng alkalde ang kahalagahan ng transparency, accountability at wastong paggamit ng pondo ng bayan, lalo na sa mga tulong na nakalaan para sa mga mamamayang nangangailangan sa panahon ng kalamidad.
Patuloy namang susuriin ang mga natuklasan ng COA upang matukoy ang nararapat na pananagutan at matiyak ang pagsunod sa mga rekomendasyon ng audit body.
“Every relief pack is meant for our fellow citizens in need. These should not simply be kept in storage when they could be going to families requiring assistance,” ani Acebedo.
Ayon sa lokal na pamahalaan, isasagawa ang mga susunod na hakbang alinsunod sa batas, proseso ng COA at prinsipyo ng pananagutan sa bawat sentimong pondo ng publiko.
Source: MANILA BULLETIN
DISCLAIMER: The photo used in this article is for illustration purposes only and does not depict the actual scene or individuals involved in the reported incident.
Discover more from Rexpress Balita
Subscribe to get the latest posts sent to your email.
Leave a Reply