MANILA — Inatasan ng Malacañang ang pagpapatupad ng work-from-home (WFH) arrangement sa mga tanggapan ng pamahalaan at alternative learning modes sa mga pampubliko at pribadong paaralan sa National Capital Region (NCR) at 15 lalawigan ngayong Agosto 18 dahil sa patuloy na malakas na pag-ulan dulot ng Habagat.
Batay sa Memorandum Circular No. 128 na nilagdaan ni Executive Secretary Ralph Recto, kabilang sa mga apektadong lugar ang NCR, Ilocos Sur, La Union, Pangasinan, Benguet, Zambales, Bataan, Tarlac, Pampanga, Bulacan, Cavite, Batangas, Rizal, Laguna, at Occidental Mindoro.
Hindi naman saklaw ng WFH arrangement ang mga ahensyang nagbibigay ng mahahalagang serbisyo tulad ng kalusugan, emergency response, disaster management, at iba pang pangunahing serbisyo ng pamahalaan.
Ayon sa Malacañang, layunin ng kautusan na matiyak ang kaligtasan ng publiko habang patuloy na nararanasan ang epekto ng Habagat sa iba’t ibang bahagi ng Luzon.
Source: Philstar
Photo credits: Politiko
Discover more from Rexpress Balita
Subscribe to get the latest posts sent to your email.
Leave a Reply