MANILA — Inatasan ni Pangulong Ferdinand ‘Bongbong’ Marcos Jr. ang mga ahensiya ng pamahalaan, Pamahalaang Panlalawigan ng Cavite, at mga pribadong katuwang na pabilisin ang pagpapatupad ng Sangley Point International Airport (SPIA) Project upang matiyak na matatapos ito sa itinakdang panahon.
Sa ilalim ng Administrative Order No. 44, iniutos ng Pangulo ang pagbuo ng Joint Technical Working Group na pamumunuan ng Department of Transportation at Philippine Reclamation Authority upang matugunan ang mga isyung maaaring makaantala sa proyekto at matiyak ang pagsunod sa mga environmental at technical requirements.
Ayon sa Malacañang, layunin ng kautusan na palakasin ang koordinasyon ng mga ahensiya ng gobyerno, mga lokal na pamahalaan sa Cavite, at pribadong sektor upang mapabilis ang mga proseso at maisakatuparan ang proyekto sa takdang oras.
Inatasan din ang Technical Working Group na magsumite ng quarterly progress reports sa Pangulo sa pamamagitan ng Office of the Executive Secretary.
Kasabay nito, ipinag-utos ni Marcos ang mahigpit na pagsunod sa mga batas pangkalikasan. Magtatatag naman ang Department of Environment and Natural Resources at Philippine Reclamation Authority ng mga monitoring mechanism upang maprotektahan ang mga marine at coastal ecosystem na maaaring maapektuhan ng reclamation at construction activities ng proyekto. #RPB
Discover more from Rexpress Balita
Subscribe to get the latest posts sent to your email.
Leave a Reply